Зорчилт, тээвэр, хөдөлгөөн судлаачдын дэлхийн хэмжээний уулзалт 2010

2010 оны 7 сарын 11ээс 15нд Лисабон хотноо болж өнгөрсөн уулзалтад тавигдсан судалгааны нийтлэлүүд.

Судалгааны нийтлэлүүд татаж авах:
Нийт судалгааны ажлууд
Сонгогдсон судалгааны ажлууд

Дэлгэрэнгүй мэдээлэл

SIMULACRA - Лондон бүсийн газар ашиглалт, зорчилт хөдөлгөөний динамик загвар

Профессор Michael Batty-ийн SIMULACRA - Лондон бүсийн газар ашиглалт, зорчилт хөдөлгөөний динамик загварчилал (SIMULACRA: A New Quasi-Dynamic Land Use Transportation Model for the London Region) танилцуулага семинарт суув. Энэ загварын гол онцлог нь Лондон бүсийн хүн ам, эдийн засаг, байгаль орчны үнэлгээнд хэрэглэгддэг бусад загварчилалуудыг нэгдсэн байдлаар ашиглах боломжтой. Өөрөөр хэлбэл газар ашиглалт, түүнээс улбаалан гарах зорчилт хөдөлгөөнүүдийн үнэлгээг тодорхойлохдоо нэгдсэн мэдээллийн сан (data), бүх төрлийн өсөлт, бууралтын таамаглал (prediction), үр дүн зэргийг бусад загварчилалуудаас авч ашиглах, ингэснээр илүү өргөн хүрээний, нэгдсэн, албан ёсны үр дүнг тодорхойлох боломжтой юм байна.

SIMULACRA загвар нь бусад газар ашиглалт, зорчилт хөдөлгөөний загваруудын нэгэн адил эхлээд хүн амын суурьшил, ажил эрхлэлтийг тодорхойлж, дараа нь тэдгээрээс хамаарч үүсэн гарах зорчилт хөдөлгөөнийг тодорхойлдог. Эхний өгөгдлүүдэд доорх загваруудыг хавсарч ашигладаг. Үүнд:

1. MoSes: Leeds-ийн Их Сургуулийн хөгжүүлсэн загвар. Лондон бүсийн урт хугацааны (50 - 200 жил) хүн амын өсөлт, нийгэм эдийн засгийн өсөлтийг тооцох загвар. Хүн амын насжилтын харьцааг онцгойлон тооцдог байна.
2. UK Input / Output Model: Cambridge багийн хөгжүүлсэн загвар. Дэлхийн том хотуудад зориулан хөгжүүлсэн төрөл бүрийн Input / Output Model-ууд байдагаас Лондон бүсийн загварчилалыг ашиглаж байна. Хүрээлэн буй орчны өөрчлөлтийг тодорхойлох боломжтой. Шинэ технологийн хэрэглээг онцгойлон анхаарч үздэг.
3. Greater London Transportation Network: New Castle багийн хөгжүүлсэн Arc GIS сүлжээг ашигладаг.

SIMULACRA загварт 4 төрийн тээврийн төрлийг хэрэглэдэг. Автомашин, Автобус, Төмөр зам, Хөнгөн цахилгаан тэрэг гэсэн төрлүүдийг хэрэглэдэг бөгөөд бусад зорчилтын төрлүүдийг нэг бүлэгт хамруулан хэрэглэдэг (Road, Bus, Heavy Rail, Light Rail, Other).




Энэ загварын нэг гол дутагдалтай тал нь томсгосон мэдээллийн сан (aggregated)-г ашигладаг явдал юм. Судалгааны бүхий л түвшинд disaggregated загваруудыг илүүтэй авч үзэх болсон өнөө үед дээрх загварыг улам нарийвчлал сайтай болгож сайжруулах шаардлагатай, энэ ажил алхам алхмаар хийгдэж буйг зохиогч онцлож байв.

Issues & Topics

1. Sustainable transport for the super aging society:
Within buffer zone with 30 km radius, small electrical cars are provided to elderly (driver's license is needed)
V 20km/h - 30km/h
Currently, electric wheelchair are common in some places such as commercial centers and shopping malls in UK.

2. Parking deposit system
Toll for parking

3. Transport basic act
Public and professionals give comments for the Act by the web

ITS Review Magazine

4. Manual for Streets from the Chartered Institution of Highways www.ciht.org.uk

Дэлид шинэ тутам бүтээн байгуулалт нэмэгдсээр

Дэли хотын метроны 2-р шугамын угсралтаас бүрэн дуусаагүй байсан хэсэг 10 сарын 1нд ашиглалтанд ороод удалгүй, өнгөрөгч даваа гаригт (10-р сарын 4) 6-р шугамыг шинээр ашиглалтанд оруулж хэвийн үйлчилгээ явуулж эхлэжээ. 13 зогсоол бүхий 15 км үргэлжилэх тус шугамын 4 зогсоол нь газар доор, үлдсэн зогсоолууд нь газар дээр байрладаг. 2007 оны 4 сард угсралтын ажил эхлэж байсан бол одоо зохиогдож байгаа Commonwealth наадмын нээлттэй холбогдуулан бүтээн байгуулалтыг дуусгасан байна.
Метроны зам нь хотын том бүслүүр цагираг замуудтай огтлолцох тодорхой цэгүүд дээр 100 м алгасалтай төмөр бетон багана, болон 167.5 м алгасалтай ган татлага хийц бүхий төмөр бетон баганууд дээр өргөгдсөн хоёр түвшний уулзвараар огтлолцдог аж.

Тус шугам ашиглалтанд орсноор Дели хотын метроны шугам 153км урт, 130 зогсоолтой болж байгаа юм байна.

Сурвалж: http://www.railwaygazette.com/

Үндэсний хэмжээний тээврийн дэд бүтэц

Өнгөрсөн хавар хятадын нэгэн их сургуулийн профессорын танилцуулга сонсож байхад Хятад улс үндэсний хэмжээнд өндөр хурдны цахилгаан тэрэг бүхий дэд бүтцийн төлөвлөлтийг эрчимтэй нэмэгдүүлж буйгаа онцлон давтаж байхыг анзаарсан юм. Японы өндөр хурдтай цахилгаан тэрэг (shinkansen) -ний технологт үндэслэсэн зорчигч төдийгүй ачаа тээврийн хослосон сүлжээ бүхий дэд бүтцээр эдийн засгийн тулгуур төвүүдийг холбож байгаа аж. Тэр танилцуулагыг сонсож байх үед яалт ч үгүй өнөө цагийн удаах хурдацтай хөгжиж буй эдийн засаг буюу Энэтхэг улсын тээврийн сүлжээний тухай бодогдож байв. Мөн галт тэрэгнээс илүүтэй авто замын сүлжээгээр өвч холбогдсон АНУ-ын үндэсний дэд бүтцийн тухай бодож байлаа. Гэтэл тийм ч удалгүй, өөрөөр хэлбэл энэ долоо хоногт АНУ-ын үндэсний хэмжээний тээврийн сүлжээ дэд бүтцийг нэмэгдүүлэх хөрөнгө оруулалт батлагдсан тухай мэдээлэл дэлхий дахинд цацагдаж байна.

Дэлгэрэнгүйг эндээс

NORDIC

Хойд Европын орнуудын судалгааны байгууллагуудаас хамтарч эрхлэн гаргадаг улирал тутмын хэвлэл (PDF хэлбэрээр үзэх боломжтой)

Хотын дүр төрх

Азийн архитектурын хамтын ажиллагааны 8 дугаар зөвлөгөөн

• Огноо:

2010 оны 11-р сарын 9 - 12

• Зөвлөгөөн явагдах газар:

Kitakyushu Conference Center, Китакюүшү хот(Kitakyushu), Япон (Japan)

• Зохион байгуулагчид:

Японы Архитекторуудын Эвлэл (Architectural Institute of Japan)
Солонгоын Архитекторуудын Эвлэл (Architectural Institute of Korea)
Хятадын Архитекторуудын Нийгэмлэг (Architectural Society of China)
Китакюүшү хотын захиргаа

• Цахим хуудас: http://news-sv.aij.or.jp/isaia2010/

Хотын дүр төрх

20-р зууны Америкийн хот төлөвлөлтийн хөгжилд шинжлэх ухааны үүднээс жинтэй нөлөө үзүүлсэн үзэл баримтлалыг үндэслэгч Кевин Линч (Kevin Lynch) -ийн хамгийн үнэ цэнэтэй судалгааны ажил болох "Хотын Дүр Төрх" (The Image of the City) ном.
Зохиогчийн хувьд тэрээр анх Франк Лойд Райт (Frank Lloyd Wright) -ийн шавь болж архитектор, хот төлөвлөгчийн гараагаа эхлэж байсан бөгөөд удалгүй Массачусэтийн Технологийн Институтэд туслах багшаас эхлээд профессор болтол ажилласан байдаг. MIT-д ажиллах хугацаандаа хот төлөвлөлтийн практик үйл ажиллагааг шинжлэх ухааны гүнзгий ухагдхуунуудтай холбон онолын бүтээлүүд гаргаж байсан.

"Хотын Дүр Төрх" бүтээлдээ хот гэж юу болох нь тухайн хот сууринд оршин сууж буй жирийн хүний туршлагад хэрхэн буудаг талаар бодит мэдээллүүдээс гадна оюун санааны үүднээс цогц байдлаар тайлбарлахыг зорьсон байна. Хотын амьдарлын талаар анхан шатны ойлголтуудыг цэгцтэй байдлаар тайлбарласан сонирхолтой ном.

Хотын газар ашигалалтын дүр төрх (газар ашиглалтын физик хэлбэрүүд)

Эко буюу байгаль орчинд ээлтэй сууцны хороолол

Эко хороолол гэж юу вэ?
Байгаль орчинд ээлтэй байдлаар хүний амьдрах таатай нөхцлийг бүрдүүлсэн тогтвортой төлөвлөлт бүхий иж бүрэн орон сууцны хороолол юм.

• Тогтвортой төлөвлөлт (sustainable) гэдэгт ирээдүйг харсан өнөөдрийн зохистой хэрэглээг тодорхойлох төлөвлөтийн бүх үе шатыг хамааруулж авч үзнэ.
• Иж бүрэн орон сууцны хороолол гэдэгт өөрийн гэсэн тээвэр харилцаа, бусад шаардлагатай үйл ажиллагаануудын цогц шийдэл бүхий сууцны хорооллыг авч үзнэ.

Эко сууцны хорооллын иж бүрэн төлөвлөлт нь бүхэлдээ дараах үндсэн чиглэлүүдийг шийдвэрлэх зорилгоор төлөвлөгдөж байна:

• Барилга байгууламж, амьдралын хэв шинжээс хамааралтай ялгарч байгаа нүүрсхүчлийн хэт оксид -CO2, метан - CH4, азотын исэл - (N20), фторт нүүрс ус- (HFCs), перфторт нүүрс- (PFCs), гексафторт сульфат -(SF6) зэрэг хортой хийн нэгдлүүдийг багтаасан хүлэмжийн хийн агаарт цацагдаж байгаа хэмжээг тодорхой хэмжээнд байлгах
• Эрчим хүчний хэрэглээг боломжтой хамгийн бага хэмжээнд байлгах, дахин сэргээгдэх эрчим хүчний хэрэглээг нэмэгдүүлэх
• Хэрэглээг бууруулж, ашиг үр дүнг нэмэгдүүлэх
• Тогтвортой усны хэрэглээг бүрдүүлэх
• Бүх төрлийн материалын хэрэглээнээс үүдэлтэй хог хаягдын хэмжээг байж болох хамгийн бага хэмжээнд хүргэх
• Байгалийн унаган тогтцыг хадгалж үлдэх

Эко сууцны хорооллын иж бүрэн төлөвлөлтийн үр дүнд дараах үндсэн ололтуудад хүрнэ гэж тооцдог.

• Дэвшилтэт технологууд
• Олон салбарын шинжлэх ухаануудад үндэслэсэн илүү иж бүрэн төлөвлөлтийн шийдлүүд
• Эдийн засгийн хувьд мөнгөн дүнгээр тодорхойлогдох бодит хэмнэлтүүд
• Сууцны хороололд амьдрах иргэдийн ухамсар нэмэгдэх
• Иргэд хоорондоо мэдээлэл солилцох, байгальд ээлтэй ухамсарт амьдралын хэв байдлыг нэг нэгнээсээ суралцах
• Байгалийн баялгийг зүй зохистой хэрэглэх, хойч үедээ авч үлдэх

Эко сууцны хорооллын дүр төрх нь дараах байдлаар харагдна:
Олон төрлийн амьдарлын хэв шинжийг багтаасан, бүх шатанд иргэдийн идэвхтэй оролцоог бүрдүүлсэн орчин байна.

• Байгалийн унаган хэв шинжийг хамгийн бага боломжит хэмжээгээр алдагдуулж, хүний хүчээр бүтсэн зохиомол орчин байна. Жишээлбэл газар дээрх барилга байгууламжуудын зайлшгүй эзлэх талбайн хувь хэмжээг хамгийн багаар байлгах.
• Хүний эрүүл мэндийг хамгаалах, цэвэр амьдрах боломжийг бүрдүүлсэн орчин байна
• Хүний хэмжээнд уялдаатай, өөрөөр хэлбэл өдөрт хэвийн явган алхах зохистой хэмжээ талбайд төлөвлөгдсөн барилга байгууламжууд, амралтын задгай талбай байна.
• Ногоон ургамлын хувь хэмжээг нэмэгдүүлэх бүхий л боломжоор хангагдсан орчин байна.
• Явган алхах, дугуйгаар явах, зохистой тээврийн хэрэгслийн хөдөлгөөнийг бүрдүүлсэн орчин байна.

2030 он хүртэл хөгжүүлэх ерөнхий төлөвлөгөө

2010 оны 1 дүгээр сарын 13-ны өдөр Засгийн газрын хуралдаанаар Улаанбаатар хотыг 2030 он хүртэл хөгжүүлэх ерөнхий төлөвлөгөө боловсруулах ажлын тогтоол батласан байна. Тус ажлыг улсын төсвөөр ЗТБХБЯам болон Улаанбаатар хотын ЗАА хамтран боловсруулж 2011 онд Засгийн газарт хэлэлцүүлэх аж.

Сурвалж: Улаанбаатар хотын ЗАА

Төлбөргүй подкастууд

Хот төлөвлөлтийн талаар англи хэл дээрх төлбөргүй подкастууд:

дүрстэй хичээлүүд: ЭНД
зөвхөн яриа: ЭНД

© 2008 UrbanNous and Urban Design Group at iTunes

Явган зорчигч ба тээврийн хэрэгсэлтэй холбоотой зам тээврийн осол

Нийслэлд урин дулааны улирал эхлэхтэй зэрэгцэн бага насны хүүхдүүд зам тээврийн осолд өртөх нь нэмэгддэг юм байна. Замын цагдаагийн газраас гаргасан тоо баримтаар өдөрт 2-3 хүүхэд зам тээврийн осолд өртөж бэртэж гэмтдэг гэнэ. Өдөр бүр 2-3 хүүхэд, энэ бол маш өндөр тоо.

Замын сүлжээний аль хэсэгт болон аль замын уулзвар, гудамжууд дээр ямар шалтгааны улмаас осол гэмтлүүд гарч байгааг харуулсан газрын зураг, баримттай тоон мэдээллийн санг боловсронгуй болгож осол гэмтэл түүнээс хэрхэн сэргийлж болохтой холбогдсон дэлгэрэнгүй мэдээллүүдийг олон нийтэд илүү нээлттэй болговол осол гэмтлээс тодорхой хэмжээгээр урьдчилан сэргийлэх боломжтой.

Мэдээнээс урьдчилсан байдлаар дүгнэж үзвэл:
1. Дулааны улирал эхлэхтэй зэрэгцэн сургуулийн насны хүүхдүүдтэй холбоотой зам тээврийн осол гэмтлийн тоо нэмэгддэг. Мэдээж хичээлийн улиралд.
2. ЕБСургууль, цэцэрлэгүүдийн ойролцоох дүүргийн замууд дээр осол гэмтлүүд нэмэгддэг.
3. Хүйтний улиралд хальтаргаа гулгаанаас хамаараад тээврийн хэрэгслүүд хоорондоо мөргөлдөх ослын хэмжээ нэмэгддэг байна.


Тоо баримтыг stop.mn хуудаснаас харах боломжтой.

Энгельсийн гүүрэн гарцын ажил эхэллээ

Нийслэл хотод энэ жил олон бүтээн байгуулалт хийхээр төлөвлөсөн. Түүний нэг нь Энгельсийн гүүрэн гарц. Гүүрэн гарцыг Хан-Уул дүүргийн Цагаан хаалганаас хойш Баруун дөрвөн зам хүртэл тавих юм. Гүүрэн гарцын ажлыг өчигдрөөс эхлүүлээд байна. Дулааны шугам сүлжээ зайлуулах, зам чөлөөлөх ажлыг дуусгасан байна. Япон улсаас 38 тэрбум ам. долларын хөрөнгө оруулалт хийж Энгельсийн гүүрэн гарцыг барихаар болсон. Гүүрэн гарцыг гурван жилийн хугацаанд барих аж. Мөн хэд хэдэн авто зам болон инженерийн шугам сүлжээ, дулааны гол шугамыг өргөтгөн шинэчилнэ. Мөн Нарантуулын гүүрэн гарцыг барьж Тасганы овооны тохижилтын ажлыг эхлүүлэх аж.

Б.Ганаа

news.mn

Хөдөө орон нутгаас 28'337 хүн шилжин иржээ

2009 оны дүнгээр Улаанбаатар хотын хүн ам 28'337-оор нэмэгдсэн бол 10'398 иргэн хөдөө орон нутаг руу шилжин суурьшсан байна. Энэ нь 2008 онтой харьцуулахад шилжин ирэгсдийн тоо буурч, шилжин явагсдын тоо өссөн үзүүлэлт юм байна. Тус байгууллага 85'714 хүнд иргэний үнэмлэх олгож, 76'251 гэр бүл бүртгэжээ.

Д.Цэц
news.mn

Сонгон шалгаруулалтыг хоёрдугаар сарын 1-ний дотор хийнэ

Өнгөрсөн онд 51,5 тэрбум төгрөгийн санхүүжилтээр Дамдинсүрэнгийн гудамжны автозам, гүүрийг шинээр тавьж, Энхтайваны өргөн чөлөө, Их тойруугийн автозамын өргөтгөл, Боловсролын их сургуулийн урд талын нүхэн гарц, 2820 хүүхдийн суудалтай гурван сургууль, 1020 хүүхдийн цэцэрлэгийн 12 барилгыг шинээр барьж ашиглалтад оруулжээ.

Ирэх онд нийслэлийн замын сангийн хөрөнгөөр орон сууцны гэр хороолол болон гэр хорооллын доторх автозамын шинэчлэл, Саппорогийн аюулгүйн тойргоос Гурвалжингийн гүүр хүртэлх 0,4 км замын засварыг хийхээр төлөвлөжээ. Түүнчлэн замын ус зайлуулах шугам худаг шинээр хийх, замын гэрэл дохио, тэмдэг тэмдэглэгээ хийх гэхчилэн олон ажил энэ онд ажил хэрэг болох юм.

Энэ жилийн хөрөнгө оруулалтын ажлын сонгон шалгаруулалтыг хоёрдугаар сарын 1-нээс өмнө хийх юм байна.

Сурвалж:

Д.Цэцэн

news.mn

Хотжилт

“Хотжилт” гэж юу вэ?

Эдүүгээ даяарчилагдан буй дэлхий дахин “Хотжилт” гэсэн ойлголтын талаар урьд урьдынхаас ч илүүтэй сонирхон хэлэлцэж, судлах болжээ. Үнэхээр хотжилтын талаар ингэж олон талаас нь авч үзэж буй нь ямар нэг хийсвэр ойлголт биш бөгөөд зайлшгүй, бодит байдал билээ.
Өндөр хөгжилтэй орнуудын том хотууд аж үйлдвэрийн хувьсгалын үр дүнд үсрэнгүй хөгжиж хотжилтын өндөр түвшинд хүрсэн төдийгүй өнөөдрийн зарим хотууд хөгжлийн дээд цэгтээ хүрсэн байна. Харин хөгжиж байгаа орнуудын хувьд хотжих үйл явц сүүлийн хэдэн арван жилийн хугацаанд л эрчимжиж иржээ. Ингэж олон хүчин зүйлүүдээс хамааран хаа сайгүй харилцан адилгүй байдагаас өнөөдрийг хүртэл хотжилтын тогтсон тодорхойлолт, хэмжих нэгдсэн хэмжүүрийг олоогүй л байна.
Дэлхийн бөмбөрцөг дээрх шөнийн гэрлүүдийг (2006 оны байдлаар) буулгасан дараах зураг дээрээс бидний ярьж буй сэдэв чухам юу болох талаар бас нэг байдлаар харж болох биз ээ.

“Дэлхийн хотуудын гэрэлтүүлэг”, АНУ-ын Үндэсний Сансар Судлалын Төв Газар,
Зургийг буулгасан: Грейг Мэйхю, Роберт Саймон
“Earth’s City Lights”, Data courtesy Marc Imhoff of NASA GSFC and Christopher Elvidge of NOAA NGDC. http://visibleearth.nasa.gov/
Image by Craig Mayhew and Robert Simmon, NASA GSFC.

Тод гэрэлтэж буй цэгүүд хотуудын хөгжлийн өндөр түвшинг илэрхийлж байна. Мөн зураг дээрээс хотууд ундны усны эх ундрага болон зам тээврийн сүлжээг түшиглэн оршидог нь харагдаж байна. АНУ-ын муж хоорондын дамжин өнгөрөх замууд болон ОХУ-ын баруун зүүн хязгаарыг холбосон Транс Сибирийн төмөр замыг дагасан хот суурингуудыг тод харж болох юм. Дайны дараа бүлтийх гэрэлгүй харанхуй болсон Японы хотууд өнөөдөр энэхүү зураг дээрх хамгийн тод цэгүүдийн нэг нь болжээ. Мөн харьцангуй харанхуй бүс нутагт оршиж байгаа хэдий ч хамгийн тод гэрэлтэж байгаа цэгүүдийн нэг нь болж чадсан Ниль мөрөний эрэг дагуух Кайр хот тод харагдаж байна.

Хотжилтын нэг үндсэн хэмжүүр болох хүн амын суурьшлын хэмжээг дээрх зураг дээрээс харах боломжгүй юм.