Цаг ашиглалт

Иргэдийн цаг ашиглалт болон аж ахуй, үйл ажиллагаануудын цагийн зохион байгуулалтыг судалснаар хотын үйл ажиллагаануудын хувиар гаргадаг. Энэ нь тээврийн эрэлт зохион байгуулалт, удирдлагын (Transportation Demand Management) арга ажиллагааны үндсэн алхам юм. 

АНУ-ын иргэдийн хувийн цаг ашиглалтын талаар 2008 оны санал асуулгын дүнг сонирхолтойгоор харуулсан хөдөлгөөнт зураглалыг NY Times -ийнхан бүтээсэн байна. Угаасаа NY Times -ийн interactive graphic, diagram -ууд гайхалтай бүтээгдсэн байдаг юм билээ.

УНАДАГ ДУГУЙН “НАМРЫН ӨНГӨ” СУДАЛГАА2 АЯЛАЛ

Хот төлөвлөлт, судалгаа шинжилгээний “New image”клуб болон Монголын Архитекторуудын Эвлэлээс хамтраад унадаг дугуйн аялал зохиох гэж байгаа юм байна. Дэлгэрэнгүй мэдээлэлтэй энэ хаягнаас танилцаарай.

“New image”клуб, МАЭ-ийн УБ хотын зөвлөлөөс хамтран зохион байгуулж байгаа уг аялал нь Монголын Архитекторуудын Эвлэлийн 55 жилийн ойн баярыг угтаж Архитекторууд, клубын гишүүдээ эрүүл агаарт сонирхолтой аялалд урьж байна. Уг аялалаар түүхэн дурсгалт газруудтай танилцаж шинэ мэдээлэлтэй болох, фото зураг авах таталбар зураг хийх унадаг дугуйн 12,0+14км аялал хийх юм. 

Мөн аялалаар архитекторууд клубын гишүүд танилцаж туршлага сонирхол, хоббигоороо нэгдэх шинэ санаачлага гарган хамтран ажиллах боломжыг нээж байгаа юм. “СУДАЛГАА -1” аялал 2011 оны 6 сарын 11 –нд Улаанбаатар хотод 18,5 км-ын ундаг дугуйтай аялал маш амжилттай болж өнгөрсөн. 

Судалгаа-1 аялалд авсан фото зураг, шинэ мэдээллүүдийг уг аялалтай хамтруулан шалгаруулах болно. “СУДАЛГАА -2” намрын өнгө аялал нь 2011 оны 9 сарын 10–нд “ТЭРЭЛЖ”-ийн аманд болно. 

Аялалд оролцоход дараахи зүйлийг анхаарна уу. 

1. Аялалд дугуйтай эсвэл дугуйгүй оролцох хүсэлтээ “NEW IMAGE”клубт 2011 оны 9 сарын 5-ны дотор 88004008, 99086963 тоот утсаар болон Хангарьд ордны 11 давхар 1101 тоот өрөөнд биечлэн ирж бүртгүүлнэ. 

2. Ундаг дугуйгаа оролцогчид өөрсдөө олсон байх. 

3. Хээр хонох учир майхан, мишок, дулаан хувцас, бээлий анхан шатны эмнэлгийн хэрэгсэлтэй байх. 

4. 3-5 хүн гал болж оролцох ба 2 өдрийн хүнс хоол хүнсийг бэлгэсэн байх 

5. “СУДАЛГАА2-Намрын өнгө” аялал нь 2011 оны 9 сарын 10-11 –нд Тэрэлжийн аманд болно. Оролцох хүн бүр 10000 төгрөгөөр бүртгүүлнэ. 

Жич: 

• Аюулгүйн үүднээс бүрэн бүтэн дугуйтай оролцох шаардлагатай. • Хориотой зүйл авч явахгүй байх. 

• Аялалд зөвхөн бүртгүүлсэн хүн оролцохыг анхаарна уу. 

Эдгээр шаардлагыг хангаж идэвхитэй эрүүл амралт хийхийг урьж байна. Зохион байгуулагч: “New image” клуб МАЭ-ийн УБ хотын зөвлөл

Токиогийн дугуйн түр зогсоолууд

Унадаг дугуй нь зохистой тээврийн хэрэгслийн нэг төрөл билээ. Гэхдээ байгаль цаг уурын таатай орчин нөхцөл; хотын иргэдийн ухамсар, хэрэглээний соёл; тухайн хотын газар орон зайн багтаамж; зам, гүүрийн гадагргуу гээд олон хүчин зүйлээс унадаг дугуйн хэрэглээ шууд хамааралтай.
Токио хотод унадаг дугуйн хэрэглээг хаа сайгүй олж харах боломжтой. Хотын гудамжинд иж бүрэн ажил хэрэгч хувцасласан хичээл насны эр унадаг дугуй унаад жирийж өгөхийг харах вий. Өөрөөр хэлбэл хүмүүс ойрын зайд ажил, сургууль, дэлгүүр хоршоо явахдаа дугуйгаар зорчих нь элбэг. Хол зайд гал тэрэгээр зорчдог хүмүүс өглөө гэрээсээ галт тэрэгний зогсоол хүртэл дугуйгаар яваад тэндээ дугуйн зогсоолд дугуйгаа үлдээгээд орой ажил тарах замдаа аваад буцна. Харин газар багатай Токио хотод зогсоолын орон зайн асуудал хүндрэлтэй байдаг. Ялангуяа хүн ам ихээр төвлөрдөг төвийн хэсгүүдээр унадаг дугуй зогсоолыг албан ёсны болгож, албан ёсны зогсоолд үлдээгээгүй "хууль бус" үлдээсэн дугуйг торгох, хурааж авах ажиллагаанууд явуулдаг.

Доорх зураг дээр Шинжүкү зогсоолын өмнөд орцны (Shinjuku station, South entrance) ойролцоох дугуйн зөвшөөрөгдөөгүй түр зогсоол

Харин доорх бол зөвшөөрөгдсөн төлбөртэй түр зогсоол, өмнөх зураг дээрх гудамжнаас холгүйхэн бий. Хөдлөвөл хөлс, зогсвол зоос.

Дугуйн цоож

Нэг байршил дээр 100 орчим дугуйнд зориулагдсан цоож байлаа.Дээрх зогсоолоос цааш Bunka fashion school-ийн зүг (South entrance-c баруун зүгт) алхвал 200 орчим метрийн цаана дахин өөр нэг төрлийн зогсоол байна.

Харин энэ бол дахиад зөвшөөрөгдөөгүй зогсоолДээрх зогсоолын төрлөөс гадна газар доорх бүрэн автомат зогсоолууд байдаг. Япончууд өөрсдөө "дугуй залгидаг робот" гэдэг юм байна билээ. Мөнгөө төлөөд товчлуур дарахад урт төмөр "хэл" гарч ирээд таны унадаг дугуйг аваад цааш орчихно, харин заасан цагт тань буцаагаад гаргаж ирэх болно. Дараагийн удаа гэрэл зураг, дүрс бичлэгтэй нь энд нийтлэнэ ээ.